Saturday, January 03, 2009

بلاد الارانب


بلاد عجيبه فيها من الاسي و الهموم يكفي بلاد، تبدأ فيها الحكايه من يوم مالارنب و الارنبه يتجوزوا، وكل الارانب حواليهم تبدأ تسأل "إيه مش هانشوف أرانب صغيره بقي" حاجه عجيبه فعلاً، تلاقي فجأه كل ما ارنب يجي يدعي دهوه للارنبين الجداد ميلاقيش غير دعوه بارانب صغيره كأن الدعوات خلصت كلها و مبقاش إلا الحكايه دي، و من أول يوم تلاقي الارنبتين الكبار بدأوا يسألوا الارنبين المتجوزين جداد ايه ياشباب مش ههانشوف اراني صغيره، و يقعدوا يزنوا ويعملوا دوشه وميبطلوش إلا لما الارنبين يجيبوا ارنب صغير، تبدأ مرحله جديده من الدعوات و الزن، الدعوات تتحول ل"ربنا يكرمكم و تخاووه" زي ما يكون الارنب هايخاف يبقي لوحده او بيتولد معاه طلب بأخ او أخت، وتهديد لو ده محصلش.

اما الارنبتين الكبار يبدأوا مرحله جديده من الزن عشان الارنبين يخاوا الارنب الغلبان الصغير و يقعدوا يفتوا و يخترعوا قصص وحكايات "فكره الارنبه توتو اللي كانت سكانه تحتنا الواد ابنها عشان كان وحيد جالو صرع يا عيني و كان بيعض في الارض و لا الارنبه ام برعي يا عيني بنتها جالها تبول لا ارادي عشان كانت وحيده و كيت و كيت و كيت" و مبيبطلوش لحد ما الارنبين الحلوين يجيبوا ارنب صغير تاني و هنا تبدأ مرحله جديده اغلب اهل بلاد الارانب مروا بيها.

يقرر الارنبين انهم ينظموا النسل إلا في حاله من الاتنين لو كان عندهم ارنبين ولدين يبقي نفسهم يا عيني هايموتوا نفسهم في بنت ، عشان مامتها تدلعها وتلبسها فساتين جميله و اي كلام مللي بنسمعه ده، الحاله التانيه لو كان عندهم بنتين ياعيني هايموتوا نفسهم في ولد اهو برده يسندهم في وقت شده و يبقي سند لابوه و اي كلام من اللي بتسمعوه ده.

الحاله التالته بقي لما يكون عندهم النوعين و دول بيقرروا ينظموا النسل بحق و حقيقي، بس لو عملت احصائية بين كل عشر ارانب في بلدي هاتلاقي 9 من اللي نظمو النسل جالهم حاجه تالته غلطه ، و ما اعظم هذه الكلمه يا ساده "دا اخر العنقود حنتوسو ابني الصغير جه غلطه بقي الواحد مكانش عامل حسابه و الله هاهاهاهاهاهاه (ضحكات بلهاء متقطعه علي رأي الكوميدي احمد ادم)"

وبكده يا جماعه تكتشف ان اللي بيحاول يغير النوع و اللي جالوا غلطه يخلوا متوسط الاسره في بلد الارانب بقي 5 افراد، المهم يا جماعه ان البلد دي مش نقصه اصلاً الارانب اللي فيها اصلاً مش لاقين ياكلوا و فاكرين ان التواكل علي ربنا هاينقذهم لكن للاسف حالهم من حضيض لحضيض، الارانب في بلدي شعارهم التواكل مش التوكل و كل ما تقول لحد فكر وخطط عشان ربنا يكرمك يقولك"يا عم خليها علي الله" يا حبيبي ما كلوا علي الله بس ربنا رزقك حاجه عجيبه جوه راسك سماها علماء الفلك و ما وراء الطبيعه المخ وااااااااااااااو .

المخ ده حاجه جامده جداً بيقولوا العلماء دول انه بيستخدم في التفكير ......... تفكير؟ دا ايه ده مسحوق غسيل جديد ده ولا ايه.

مش عيب ابداً اني افكر ابص حولي واتعلم و افهم، انا شايف ان الدنيا حواليه صعبه و الظروف بتسوء من اسود لا اسود مش عيب اني افكر ارنب واحد كفايه، ولو حصل غلطه يبقوا اتنين عشان الارانب اللي نفسها في غلطه متزعلش. نفكر و نحسب مش عيب ابداً و لا حرام لكن ما ابقاش انا شايف و عارف وفاهم ان تنظيم النسل بين ارانب بلدي حاجه مهمه واقول خليها علي الله، هات ارنب واحد ربيه وعلمه و وعي النيا صح يطلع يعرف يلاقي شغل و يبدأ حياه يضيف ليها و يعلي خطوه فوق خطوتك، احسن من اتنين و تلاته اخرهم يقعدوا جنبك علي خطوتك حاطين كلكم ايديكم علي خدكم و وقتها متسألش غير نفسك أنا فكرت كده ازاي ، اه اسف ما احنا قولنا منفكرش ونسييبه علي الله.

في مشكله تانيه ممكن يبقي سببها الارنب او الارنبه اللي بيتجوزوا، في حالة الارنبه بتبقي متجوزه عندها هدف معين وهو الحصول علي ارانب صغيره تحت أي ظرف و مش هايمنعها عن هدفها دا الا الموت، و مفيش مانع من ارنب و اتنين و تلاته، ولازم يجوا بسرعه عشان ميبقاش الفرق بنها وبين ارانبها كبير، حاجه كويسه فعلاً ان الواحد يبقي عنده ارانب و هو في سن صغير لكن مش هايموتوا ولا هايموت لو اتأخروا شويه، في بلاد الارانب الاجنبيه في ارانب بتخلف في سن التلاتين و ارانبهم بتبقي كويسه برده لكن تقول ايه ثقافة ارانبنا هنا غريبه شويه.

في حالة الارنب عاوز ارنب يشيل اسم العيله و يبقي سنده لما يكبر ولو جالوا ارانب بنات يقعد يحاول و يحاول و كل مره ربنا يكسفه و هوه برده هاهاهاهاهاه سايبها علي الله، في الخلفه سبها علي الله في تحديد النوع سايبها علي مجهودوا الشخصي :)، ومهما كان الارنب ده منهم متعلم و منهم مش متعلم لكن اقول ايه برده ثقافة الارانب في بلد العجايب.

يا جماعه برده عشان محدش يفهمني غلط في ناس كتير بتفكر و دماغها شغاله و ربنا بيكرمهم عشان محدش يقول اني متحامل علي الناس :)

استفذني حاجتين امبارح خلوني اكتب المقال ده (بغض النظر عن رصيد الاستفزاز الطويييييييييل و المراره اللي اتفقعت من كتييير من اهل البلد دي) الموقف الاول اتنين ستات في الشارع واحده بتدعي للتانيه اللي جنبها بنتها الدهوه الذهبيه "ياااااااااارب تخاويييييييييها هاهاهاهاه (وضحكات معتوها متقطعه)"

الموقف التاني فيلم "ليلة سقوط بغداد" في حته كده احمد عيد بيفكر يأجل الخلفه فيها لحد ما الاحوال تتحسن لأن البلد مهدده زي كل الدول العربيه وكده ، تروح مراتوا قايله"دا هبل الامركان عاوزنا ننقرض(ننقرض ايه يا حجه في بلد 80 مليون و معدل الزياده فيها بالثانيه)" وقالت انا بقي مش هانقرض و هاخلف 10 عيال، عشره يا مفتريه مهو احنا يا منجبش خالص يا نجيب 10 مفيش وسط، بلد ارانب فعلا الدنيا عندهم يا سودا قوي (ما جيبش خالص ارانب) يا بيضااااااااااااااااا قوي (اخلف 10 ارانب) ،يا حج ياللي كاتب الحوار، عشر ايه بس هيه البلد ناقصه، النس حبت فيلمكم و من ضمنهم انا لكن كده هايفتكروا ان خلفة العيال الكتير نوع من انواع النضال الشعبي والمقاومه المسلحه للاحتلال، و ان امريكا ممكن تطلع من العراق م اسرائيل توقف ضرب غزه لو كل واحد فينا خلف 10 عيال عشان نخوفهم، مش عارف يا جماعه يمكن الموقف مش مؤثر كده بس جالي انا علي الجرح مش عارف يمكن اتعقدت وبقيت حساس من قصة الارانب دي مش عارف.

صدق رسولنا الكريم لما قال هايجي وقت نكون كتييييييييير لكن زي ايه غثاء السيل، شوية فقاقيع هوا اخرها تندد و تشجب و تنضرب علي قفاها و تقول كمان، و عشان كده يا جماعه احنا وقفين محلك سر و هانفضل وقفين محلك سر طول ما ثقافتنا هيه ثقافة الارانب، يمكن نلبس بدل او عمم او جلاليب لكن في الاخر ارانب،بكالريويس، دوجتوراه او حتي ابتدائية برضوا الناس بنفس العادات .....ثقافة

الناس بتفكر تعيش علي القمر و بتفكر تطور و تتقدم و احنا لسه بنفكر ننظم و لا منظمش يا تري ارنب و لا اتنين، هاخلي بالي ولا يتري هايجيلي غلطه و هانفضل كده علي طول انا مش بقول للناس ميأرنبوش ولا بقول أرنبوا بلا حدود لكن بقول ارنبوا بعقلكم و بعدين خلوها علي الله عشان لما يسألكم عملتوا ايه يا ارانب بمخكم نقولوا فكرنا .

"تيت تيت تيت ..... عفواً لقد نفذ رصيدك من التفكير شكراً لاتصالكم بارنوبوفون"

15 comments:

Ahmad Tarek said...

بس يا ابنى الأرانب دى لازمة علشان المنظر - المال و البنون زينة الحياة الدنيا .. و الى مش عنده مال .. يجيب ارانب .

وبعدين أنا عارف انت قصدك ايه .. اصل أنا عديت بنفس المرحلة وعارف الناس بتقول ايه ..

كبر و اضحكلهم ضحكة بلهاء متقطعة

Ahmad Tarek said...

نقطة كمان .. معظم الناس مبتعرغش تعمل حاجة غير كده فلازم يتأكدوا انهم لسه يقدروا

:P.

Sameh Ragheb said...
This comment has been removed by the author.
Sameh Ragheb said...

الكلام ده جامد أوي يا أرنوب
بس زي ما طارق قالك لازم يتأكدوا انهم لسه يقدروا
دلوقتي الواحد مش قادر يعمل حاجة للبلد ولا للناس اللي بتنضرب فا بيعمل الحاجة الوحيدة اللي يقدر عليها و سلملي عالتنظيم

somethingforthesoul said...
This comment has been removed by a blog administrator.
littilemo said...

نيهاااااااااا

Ahmed Barakat said...

I was talking with my friend Mohamed Ameen, and summarized what I wanted to say in a very nice words:

It is not a matter of being a Father it is a matter of being a DAD

It is not a matter of having a KID, it is a matter of having a happy KID

Ahmed Reda said...

معاك في :
1- كبر مخك و انظر حولك و فكر
2- مالكش دعوة بكلام الناس و العادات
ضدك في :
تمسكك بالحالة الوحيدة المحرم فيها تحديد النسل و هي الرزق (طبعا فيه حالات حلال مثل الصحة و الدراسة و الضرورات الأخرى و بعض الاجتماعيات ..)
هنا أعود لأتساءل .. هل المشكلة مثل أصحاب الديانات الأخرى أو اللادين أو الغير متدينين "لا أؤمن سوى بما أراه أو ألمسه" ؟
كيف ترى حديث " ما نقص مال من صدقة " و كل الأحاديث و الآيات عن البركة في المال.. فهذا ضد المنطق و المعادلات الرياضية البسيطة : مبلغ - صدقة = مبلغ أقل ((ستقول لي ما علاقة عذا بموضوع الأرانب سأقول كلاهما وجهان لعملة واحدة)) فكلام ديننا لم يأمرنا بتحديد النسل ولو حتى ضمنيا .. و لكن أمرنا بالعمل.. ما نسبة المساحات الغير نستغلة بمصر و ما هو الحال اذا امتدت اليها قنوات من النيل .. كما هو الحال في بلد مثل هولندا؟ الحل في العمل و الإيجابية و ليس في تحديد النسل

Ahmed Barakat said...

السؤال الاهم ما الفرق في هذا الموضوع بين التوكل و التواكل و كيف للمسلم ان يبني لمن بعده حياه سليمة تمكنهم من ان يتقدموا بعده \لا ان يبقوا كما هم، كيف يمكن ان يطور وان يبني لمن بعده هذا هو السؤال. السؤال الأخر الا وهو ان الصصحابة عرفوا تنظيم النسل و انا اقول هنا تنظيم و ليس تحديد و الفرق معروف، عرف تنظيم النسل علي ايام الصحابة في العزل و انا لا اذكر الحديث الذي جاء في ذكره اذن فهو ليس حرام و لا فيه كفر بالايمان يان الارزاق بيد الله، شكراُ جزيل يا رضا علي تعليقك

moddar said...

لي مدونة أظن انها تستحق القراءة وهي تتحدث عن محاولة تسميمي وقتلي من قبل السي آي أيه وبأوامر من الشاذ كلنتون بمشاركة فاعلة من الحمار حسني الخفيف والأجهزة الأمنية المصرية الخائرة والعميلة
المدونة
http://www.494949.blogsome.com
اسم المدونة
Dirty and fucked clinton

mahmoud said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

codecx said...

بنت مصر
شات بنت مصر
دردشة بنت مصر
دردشة مصرية
شات مصري
شات بنات مصر
شات مصر
دردشة مصر
شات بنات
شات
دردشة
بنات مصر
دليل بنت مصر
بنت مصر
شات بنت مصر
دردشة بنت مصر
العاب بنت مصر
فيديو بنت مصر
يوتيوب بنت مصر
جوال بنت مصر
موبايل بنت مصر
توبيكات بنت مصر
مطبخ بنت مصر
ازياء بنت مصر
الموضة بنت مصر
ماسنجر بنت مصر
صور بنت مصر
دردشة بنت مصر الكتابية
بنت مصر
دردشة كتابية مصرية
شات بنت مصر الكتابي
شات بنت مصر
دردشة بنت مصر
دردشة بنت مصر الصوتية
بنت مصر
شات بنت مصر الصوتي
دردشة بنت مصر
شات بنت مصر
دردشة صوتية مصرية
شات الحب

Milla said...

is a very interesting blog and compared the bunny is very strange, but what is not strange is the main page
buy viagra that is very good!

Räumung Wien said...

شكرا لكم ..دائما موفقين..))

Räumung - Räumung

entrümpelung wien said...

شكرا لكم .. دائما موفقين ..::))


entrümpelung
entrümpelung
entrümpelung wien